Online Indian Passport Renew/Renewal Kaise Kare Full Guide in Hindi

How to renewal passport online in India, Hello dosto kya aapka passport expire hogaya hai ya hone wala hai. Aur aap online passport renew karna chahte hai, Aapko ab parishan hone ki jarurat hai, or nahi kisi agent dalal ke chakar me parne ki jararurat hai. aap asani se apna passport internet ke trough from fill-up karke online renewal kar sakte hai.

Online Passport Renewal karna ab bilkul hi aasan, is ke dwara aap paisa, samay aur mehanat bacha sakte hai. Is article me mai aapke sath share karne jaraha hun ke Indian passport online renew/renewal kaise kare step by step full guide Hindi/Urdu me.

Bestially jab ham passport banate hai to passport ka validity date 10 years/Saal hota hai, aur jab us passport ka expiry date najdik ya khatam ho jata hai to hame passport ko renewal karne ki jarurat hoi hai.

Pahle Passport renewal karne Ke Liye Apply karna bahut hi muskil hota tha, is ke liye from kharid kar, fir from ko fill-up karne ke liye kisi padhe likhe ko dhhondna ya agent se from bharwana, aur ghonto ghanta line me khare rah kar passport renew ke liye apply karna etc..

Par ab aisa nahi hai, Ab Aap asani online ghar baithe bena kisi agent, dalal ko 5000-10000 rupees diye hue internet ke through passport online renew kar sakte hai.

Documents Required For Passport Renewal Online

Passport Seva Kendra website par online passport renewal karne ke liye aapke pass ye Documents hona chahiye. You will need to carry the following documents:

• Original old Passport.
• Self attested copy of the first two and last two pages.
• Self attested copy of the ECR/Non-ECR page.
• Self attested copy of the page of observation, if any, made by Passport Issuing Authority.
• Self attested copy of the validity extension page, if any, in respect of short validity passport.
• Proof of documents which eliminate the cause of issuance of Short Validity Passport (SVP)

Proof of address

1. Water Bill
2. Telephone (landline or post paid mobile bill)
3. Electricity bill
4. Income Tax Assessment Order (PAN Card)
5. Election Commission Photo ID card.
6. Proof of Gas Connection.
7. Certificate from Employer of reputed companies on letter head
8. Spouse’s passport copy (First and last page including family details), (provided the applicant’s present address matches the address mentioned in the spouses passport)
9. Parent’s passport copy, in case of minors(First and last page).
10. Aadhaar Card
11. Registered Rent Agreement
12. Photo Passbook of running Bank Account (Scheduled Public Sector Banks, Scheduled Private Sector Indian Banks and Regional Rural Banks only).

Passport Renew And Re-Issue Karne Ki Jarurat Kuy Hoti Hai

Renewal – In in karno se aap apne passport ko Renewal an Re-Issue kar sakte hai.

1. Expired or about to expire passport.
2. Lost passport
3. Stolen Passport
4. Exhaustion of pages
5. Damaged or soiled passports
6. Change in personal details

Online Indian Passport Renew/Renewal Kaise Kare Full Guide in Hindi/Urdu

Dosto post thoda lamba hai islye jada bat nahi karte hue apne topic par chalte hai or jante hai ke, online passport renew re-issue kaise karte hai, Pure details ke sath, passport ki jankari hindi me. bas iske liye aapko niche bataye ja rahe tarika ko step by step follow kare.

Step 1: Create new account

Online passport banane ke liye ya renew karne ke liye aapko Sabse Se Pahle “www.passportindia.gov.in” Par ja kar new account create karna hoga. Uske liye yaha click kare

Ab aap ke samne www passport india gov in ka page open ho jayega agar aapne pahle se passport seva par account banaya hua hai to “Existing user login” par click kare.
New Account banane ke liye “New User Register Now” Par Click kare.

2: User Registration

Ab Aapke samne User Registration ka Ek form Dikhai Dega Jo fill-up karke new account Registration karna hai. online passport banane ke liye pahle www passport india gov in par account bana jaruri hai.

1. Register to apply at* kanha Se Passport Banawana Chahte hai select kare, Agar Aapke Shar (City) me Passport Seva Kendra hai to aap “Passport office“, select kare. Nahi to aap “CPV Delhi” Select karke Delhi Se Passport Banwa Sakte hai.
2. Passport Office* me apna city select kare.
3. Given Name: first or bich ka name dale.
4. Surname: agar aapke tisra  name hai to Surname dale
5. Date of Birth: janam din dale Jo Document Me hai.
6. E-mail Id: dale (Email id kaise banate hai uski jankari yaha hai)
7. Do you want your Login Id to be same as E-mail Id? agar aap apne email ko hi user name bana chahte hai to Yes select kare, Nahi to no select kare.
8.  Login Id* apna user name dale jissi bad me dal kar account me login karna hai.
9. Password* or Confirm Password* dono jagah same password dale.
10. Hint Question: select kare jo password bhool jane pe pucha jayega.
11. Hint Answer* likhe.
12. Enter Characters Displayed: image me jo likha huahai same wahi likhe.
13. Sab dalne ke bad ab aap Register par click kare.

Aapka ne account register hogaya hai bas yaha aapko bola jara hai ke Registration confirmation karne ke liye aapke mail par activation code send kiya gaya hai jis par click karke verify karna hai.

3: Registration confirmation

Aapke email par passport.admin@passportindia.gov.in ke taraf se mail aya hoga usme accont activate karne ke liye verification link hoga us par click kare.

Activation link par click karne ke bad ab aap  Enter user id me apna user name dal kar submit button par click karke apna account ferify kar le. uske bad click here to login par click kare ya aap www passport india gov in ke home page par bhi jakar Existing User Login par click karke account me login kar sakte hai.

4: User Login

Aap ne www passport india gov in par account successfully bana kar verify bhi kar liya hai, passport renewal karne ke liye ab aapko account me login karna hai. aap chahe to www.passportindia.gov.in ke Homepage par jakar Existing User Login par click karke account me login kar sakte hai.

1. Apna login id dale.
2. Continue button par click kare.
3. Next screen me Password dale.
4. image me jo captcha code show ho raha hai. same vahi dale.
5. Login par click kare.

 

Online Passport Renewal/ Re-Issue Karne Ki Puri Jankari?

www passport india gov in par account bana kar login karne ke bad Ab Baari Aati hai passport application form bhar kar Apply Karne ki online Passport renew ke Liye aap 2 Tarh Se apply kar Sakte Hai.

1. Online Puri Form ko Bharna Or Submit karna.
2. E-form Download kar ke from ko fill-up karke upload karke submit karna.

Agar aapka internet slow hai to E- form download karke passport application form me apna pura details dal kar -from ko upload kar ke submit kar sakte hai.

Yaha mai aapko passport renew re-issue kaise karte hai ke bare me 2no tarika batane jaraha hun passport application from ko bhar kar asani se submit kar sakte hai.

Sabse pahle ham online passport application form ko bharna jante hai, uske bad E-from ko kaise download karke from lill-up karke submit karna hai. bas iske liye niche bataye jarahe tarika ko sahi se follow kare.

1: Applicant Home

Account Me log In karne bad first page par hi aapko Apply for Fresh Passport/Re-issue of Passport ka option mil jayega. ya agar aap kisi or page par hai to Applicant home page par jakar ye option dekh sakte hai.

“Apply For Fresh Passport/Re-issue of Passport ” link Par Click kare.

2: Apply for Fresh Passport/Re-Issue Passport

Jaise Mane pahle batya tha ke aap  2 tariko Se Aap Form Bhar Sakte hai, Yanha Par first option me passport application form pdf format me Download Karke offline from ko fill karke Phir Dubara Upload karna hota hai.

Online passport Application Form bharne ke liye aap dusra wala option ko select kar sakte hai. online application from fill karne ke liye “Click Here To Fill the Application Form Online ” link Par Click kare.

3: Present Residential Address

Yaha bas aapko apna state aur District select karna hai uske bad next par click kardena hai.

4: Passport Type

Click here to fill the application form online par click karne ke bad ab aapko passoprt type select karna hai.

1. Applying for * me Re-issue of Passport option select kare,
2. Type of Application * me  Normal select kare (Tatkaal bana chate hai to tatkaal select kare).
3. Type of Passport Booklet * 36 pages select kare. 60 pages ka chahye to select kar sakte hai.
4. Uske bad Next par click kare.

5: Applicant Details

Ab aapko online passport application from fill karna hai or apna pura details dalna hai.

1. Apna pahla name aur bich ka name dalna hai.
2. Manlo Aapka Naam “Munna Ahmad khan ” Hai To Aap Given Name Me “Munna Ahmad” Bhare Or Surname Me “Khan” Bharna hai. aur agar 2 hi name hai to Given Name “Munna khan” bhar sakte hai or surname ko khali chod sakte hai.
3. Passport me Hindi me bhi name show karna chahte hai to Yes select kare, Nahi ke liye No select kare
4. Gender Bhare (Aurat = Female ) (Mard = Male)
5. Aapko Kisi or Naam Se Bhi Bulaya Jata hai ya Nahi ,To yanha No Ke Select Kare.
6. Aapne Apna naam kabhi badla Tha ya nahi , Agar nahi TO No Or Badla tha to yes kare.
7. Date Of Birth Jo Document Me Ho vahi dale.
8. Apna janam Sthan bhare Kis Village ya City Me Hua Uska naam.
9. Agar aapka Janam India Se bahar hua Ho To yes kar Nahi TO No select kare.
10. State select kare.
11. District select kare.
12. Shadi shuda hai to married select Kare nahi to Unmarried select Kare.
13. Citizenship of india By “Birth”select kare.
14. PAN Card  hai to pan card number dale.
15. Voter ID card number dale Hai to bhare nahi to ise khali chhod de.
16. Employment Type: Aapke job ke bare me pucha jara hai jo hai select kare,
17. Aapke Ghar me koi Sarkari naukari karta hai ya nahi , Agar nahi to NO select Kare.
18. Educational qualification: Padhai Ke bare me bataye Kanha tak Aapne padha hai select kare.
19. Non-ECR (Emigration Check Required) Kya Hota Hai .Jisne 10th Class Pass kar Rakhi hai Vo Non ECR Ko YES Karega ,Nahi TO No Par Click kare.
20. Visible distinguishing mark: apna koi nishani dalna chahte hai jaise hath chahre me kisi chij ka nishan to vo dal sakte hai. nahi dalna chahte hai to isse khale  rahne de.
21. Aadhaar card add karna chahte hai to aadhaar number dale.
22. aadhaar card number dale hai to Yes select kare nahi dala hai to No select kare.
23. Save My Details par Click karke isse save karle.
24. From ko sahi sahi fill-up karne ke bad Next Par Click kare.

6: Family Details

Apna pura details dal kar Next karna ke bad Ab Aapko Apna family setails dalna hai.

1. Father’s Given Name: pita jika fahla or bich ka name dale.
2. Pita ji ka 3 word ka name hai Surname dale.
3. Mother’s name me apne Maa ka first name or Middle name dale.
4. Maa ka surname dale.
5. Legal Guardian’s Given Name (If applicable) ko khali rahne de.
6. Agar Aapne Form Me Pahle “Married ” select Kiya tha To hi Aapko Spouse Ka Naam Bharna hai, nahi to ye option khali hi chor dena hai. (aurat hai to apne pati ka name) mard hai to apni Bibi ka name.
7. Ab Save My Details par click kare or Next Par Click kare.

7: Present Residential Address

Ab aapko next setup me apna residential address, mobile number, email address etc. dalna hai.

1. Kya Aap India Se bahar Rahte hai . Agar Nahi to No Select kare
2. Aap janha Rahte ho vanha kabse Rah Rahe hai month or year select kare. agar aap apna home address dal rahe hai to date of birth dal sakte hai.
3. Jaha ka address dalna hai House no. , Village , city , district ,Bhare.
4. Village/Town/City * me post office ka name dal sakte dale. 
5. State select kare.
6. District select kare.
7. Apna Police station Name bhare Jo Aapke Pass ho
8. Post office ka Pin code dale.
9. Mobile No bhare ,
10. Telephone Number bharne Ki jrurt nahi hai
11. Apna Email id dale.
12. Aap se Puch Raha hai Ki Janha Aap Rahte Ho Vahi Aapka Permanent Address Hai to Yes Kare.
13. Save My Details par Click Karke next Par Click kare .

8: Emergency Contact

Next Page par aapko Emergency Contact ke liye kisi ka Naam Bharna hai chahe pita ji ya kisi dost wagai rah ka name dal sakte hai. or mobile number bhi dale. phone number or email id bhi dal sakte hai nahi to use khali chhod de or save my details par click karke next kare.

9: References

Ab references Ke Liye Do Logo ki Contact Details Deni hai Jo Aapke Liye Gawa ke Tor Par Hoge ki Aapne Jo Details Di hai VO Sahi hai Aapka Address hai Sahi hai etc.

TO Aap Kisi 2 Logo ka name aur address Dale Jo Aapko jante ho Ache se or aap bhi unhe Jante ho. mobile number r Emil id bhi dal sakte hai, Details bhar kar Save karke next kare.

10: Previous Details

Ab Aapko Details of Previous passport option me old passport ka details dalna hai.

1. Passport Number: purana old passport ka number dale.
2. Date of issue: old passprt kab bana tha vo date month and year dale.
3. Date of Expiry: old passprt kab expire hoga ya hua hai vo date, month, years dale.
4. Place of issue (Village/town/City) jaha se passport bana tha us jagah ka name dale, aapke old passport par likha hoga same wahi dalna hai.
5. File Number: Passport ka back page par niche me file number hoga vo dle.
6. Details Available option Ko Select kare Kyunki Aap passport renewal ke Liye Apply kar Rahe hai.
7. Agar Aapne Pahle kabhi Passport Ke Liye Aaply Kiya Ho or Passport nahi Mil paya hai to yes select kare nahi To No select kare or Save details karke Next par Click kare.

 

11: Other Details

Ab Aap se Kuch Sawal Pucha ja Raha hai sabko dhyan Se padh Kar sahi Uttar De , Agar Aapko ye Samjh Me nahi Aa raha To , Main aapko Aasani Se bata Raha Hu Agar aapka Koi Criminal record nahi hai Police station me , To Aap Sabhi Ko No Select kare , Agar Aapne kabhi Crime Kiya Hai or aap jail Gaye Ho to sabhi sawal ache se pad kar uttar de .Or Phir next par click kare.

11: Passport Preview Details

Ab Yanha Aap Apni passport ka previes Details dekh sakte hai, or sara details check kar sakte hai kahi koi galti hai to Prev par click karke back ja kar usse sudhar sakte hai. Then sab sahi hai to next par click kare.

12: Self Declaration

Ab Aapko Self Declaration me Place Naam bharna hai (jaha se passport ke apply kar rahe hai vo city name dal sakte hai ).

I Agree Par Click kare , Or Agar Aap Inki SMS Service Activate karna Chahte hai to Yes par Click kar Jiske Liye Aapko 35 Rupay Dene honge nahi to NO Par Click kar de.

Niche me Aapse Pucha ja Raha Hai ki Aapki Details ki Third Party se share karna chahte hai nahito no ko tick kare, Phir Save My Details par Click Karke submit from par click kare.

Note:- Submit from par click karne ke bad aap application from me koi bhi changing nahi kar sakte hai, isliye ek bar Preview Applications Form par CLick karke Aap Apne Form Ki Sari Details Dekh le sahi hai to hi jakar Submit from par click kare.

13: Pay and Schedule Appointment

Your application form has been submitted successfully. ab Aapko yaha par aapka Application number mil Jayega. passport office me fill kiya hua application from ko jama karne ke liye aapko appointment lena hai. uske liye Pay And Schedule Appointment par click kare .

13: Choose Payment Mode

Appointment lene ke liye Aap Online Or Offline Payment kar sakte hai. Agar Aap Online Payment Karna Chahte hai to online Payment par Click karke Next kare.

14: Schedule Appointment

Aapko Bataya jaraha hai Ke aapne abhi tak Appointment Nahi book kiya hua hai Next Par Click kare.

16: Appointment Availability

Yaha aap apne state ke Passport Office ka Naam aur date dekh sakte hai ke aapko Kis Time Appointment Mil Sakta hai.

Jaha jakar application from jama karna hai vo Passport Office Select kare. Aur ab Capcha Me Jo Likha Hua hai same wahi likh kar next Par Click kare.

17: Pay And Book Appointment

Yaha par aap payment details dekh sakte hai ke online passport apply karne ke liye ketna fise jama karna parta hai. aapne 36 page select kiya hoga to Rs.1,500 and 60 page select kiya hoga to Rs.2,000 pay karna hoga.

Aap apna Appointment date change karna chahte hai to kar sakte hai, then Pay And Book Appointment par Click kare.

Agar Aapke Pass SBI Ka ATM YA Internet Banking Hai to Aap SBI Select Kare Or Agar Kisi Dusre Bank ka hai to Other Card Ya Credit Card Select kare Jo Aapke Pass hai.

• SBI New ATM/Debit Card Online Apply Kaise Kare
• Internet Banking Online Activate (Register) Kaise Kare in SBI

Next Page Par payment pay karne ke liye jo bhi method select kiya hai vo choose karke paise pay karde aapka online passport renew karne ki sari kirya puri hogayi hai.

Agar Aap Apne Account Ki Koi bhi Details Dekhna Chahte Ho To www passport india gov in  Ke Home Page par jakar Log In karke.

Services Me Sabse Pahla Option hai “View Saved/Submitted Application ” Par Click karke Apne Application Form Ko Select karke uski Details Dekh Sakte hai. aur print bhi nikal sakte hai.

Offline Application From Download karke, Passport Renewal kare

Dosto ye tha Online passport renew karne ka tarika Ab Offline Kaise Aap Apply Kar Sakte hai Vo jan lete hai.

1. Sabse Pahle Apne Account Me Log In kare aur Applicant Home par click kare.
2. Services Me Aapko Download E-Form Ka Option Dikhai Dega Us par Click kare.
3. Aur Ab “fresh Or Re-issue of Passport ” Ka Form Download karna hai. click here par click karke

passport application form pdf format me download hogaya hai, par isse Open karne ke Liye Aapko”Acrobat Reader 9 ” Ki jrurt Padegi Jo Ki Aap Internet Se Download kar Sakte hai.

Ab aap apne computer ke download folder me dekh sakte hai Passport Application Form_Main_English_V3.0 ka ek Winrar format me file hoga usse usse extract karke PDF format ko bahar nikale ya direct open kar sakte hai.

Upar maine jo passport renew karne ka tarika, bata hai same wahi step ko follow karke application from ko fill kar le. or Form Bharne ke Baad Sabse niche “Validate And Save” Par Click karke isse save kar lena hai.

New passport application form ko fill-up karne ke bad usse upload karna hai, Sevices me Upload e-From par click kare. uske bad hindi lena chahte hai to yes naho to No select karke next par click kare.

Choose file par click kare or jis folder me aapka file hai select karke open par click kare. agar mobile SMS services aur apne document ko share nahi karna chahte hai to No select karke Upload butto n par click kare.

Note:- Application from upload karne ke liye Winrar, Winzip ya XML format me file hona chahye PDF format Upload nahi hoga. Simple apne mouse ka right click karke, Send option me Compressed Zipped folder par click karne se PDF from zip file me chala jayega uske bad aap upload kar sakte hai, application from ko.

Agar Aapne Online Application Form bhar ke Submit Kiya hai to Aapko Is Offline Form ki jarurt nahi, Jaisa Ki maine Upar bataya hai offline Form Bhi bikul Vase Hi bharna hai.

Choose file karke upload karne ke bad Aapko Aapki Details Dikhai Dengi unhe Check kare Or Continue Upload Par Click kare. Uske bad payment karne ka jo tarika bataga hai same vahi tarika apna kar paise pay kar de.

Dhyan De

After Successfully Payment aapka Appointment Book ho jayega.

1. Ab aapko apne Account ke home page par jakar “View Saved/Submitted Applications” par jakar “Print Application Receipt” par click karke application ka Print nikal lena hai.
2. Uske Appointment date ke samay sabhi Original Document – old passport identity proof, Birth proof, Address proof , 2 self photo and school certificate ke Xerox photo Copy With Signature ke sath Passport office Visit karna hai.
3. Passport office me aapke Documents ki checking ki jayegi, Aapke fingerprints liye jayenge and other formalities complete karke aapko Acknowledgement Slip provide ki jayegi, Wo slip apne paas rakhna hai.
4. Ab Next aapko Police Verification ke liye wait karna hai, Police verification ke liye aapko infrom kiya jayega.
5. Aapko apne sath sabhi Documents and signed ki hui documents ki copy le jani hogi. Apne sath reference ke liye Padoshi (Neighbours) 2 admi ko le jaye jinka address and Name aapne Form me add kiya tha.
6. Police Verification ke baad Within Month aapko passport Courier ke through aapke postal address par send kar diya jayega.

That’s All! Online passport renewal Process me just aapko 20-30 minutes spend karna hota hai. Bus ek baat note karke rakhe form me koi mistake nahi honi chahiye.

To dosto aapko ye online passport renew/re-issue karne ki jankari kaisi lagi agar aapka koi sawal hai to aap comment kar puchh sakte hai. aur isse apne dosto tak share karna na bhule.

Ye bhi padhe..

• New PAN Card Banane Ke Liye Online Apply Kaise Kare
• SBI Bank Account Me PAN Card Online Link/Register Kaise Kare
• IRCTC Indian Railway Par Online Train Ticket Booking Kaise Kare
• SBI Me New Account Ke Liye Online Apply Kaise Kare